నేడు రాష్ట్రంలో భారీ వర్షాలు
నేటి నుంచి మూడు రోజుల పాటు రాష్ట్రంలో అతి భారీ వర్షాలు పడే అవకాశం ఉన్నదని వాతావరణ శాఖ తెలిపింది.
By : Raju
Update: 2024-07-17 04:18 GMT
తెలంగాణ రాష్ట్రంలో నేడు పలు జిల్లాల్లో భారీ వర్షాలు పడే అవకాశం ఉన్నట్లు వాతావరణ శాఖ కేంద్రం తెలిపింది. రేపటి నుంచి మూడు రోజుల పాటు అతి భారీ వర్షాలు కురిసే అవకాశం ఉన్నందున ఈ మేరకు పలు జిల్లాలకు ఆరెంజ్ అలర్ట్ హెచ్చరికలు జారీచేసింది.
ముఖ్యంగా తూరు, ఉత్తర జిల్లాల ప్రజలు అప్రమత్తంగా ఉండాలని సూచించింది. ఈ జిల్లాల్లో 11.5 నుంచి 20 సెంటీమీటర్ల వరకు వర్షపాతం నమోదు కానున్నట్లు వెల్లడించింది.ఈదురు గాలులకు, చెట్లు, విద్యుత్ స్తంభాలు విరిగిపడటం, విద్యుత్ సరఫరా నిలిచిపోవడం, లోతట్టు ప్రాంతాల్లో వరద ముప్పు ఏర్పడటం వంటివి జరగవచ్చని కాబట్టి ప్రజలు జాగ్రత్తలు పాటించాలని సూచించింది.