దులీప్ ట్రోఫీ జట్టును ప్రకటించిన బీసీసీఐ

బీసీసీఐ సెలక్షన్ కమీటీ బుధవారం దులీప్ ట్రోపీ మొదటి రౌండ్ కోసం జట్టులను ప్రకటించింది. దేశవాళీ సీజన్‌లో రెడ్-బాల్ క్రికెట్‌కు నాంది పలికే దులీప్ ట్రోఫీ, అంతర్జాతీయ అత్యుత్తమ ఆటగాళ్లను చూడనుంది. వచ్చే టెస్టు సిరీస్‌కు సన్నాహకంగా ఈ సీజన్‌లో దులీప్ ట్రోఫీలో స్టార్ ఆటగాళ్లు పోటీపడతారని ముందుగా అధికారులు పేర్కొన్నారు. రోహిత్ శర్మ, విరాట్ కోహ్లి, జస్ప్రీత్ బుమ్రా తప్పుకున్నప్పటికీ, శుభమన్ గిల్, శ్రేయాస్ అయ్యర్, రుతురాజ్ గైక్వాడ్, అభిమన్యు ఈశ్వరన్‌లు కెప్టెన్లుగా నియమితులయ్యారు. టోర్నమెంట్ సెప్టెంబర్ 5, 2024 నుండి ఏపీలోని అనంతపురం, బెంగళూరులోని ఎం చిన్నస్వామి స్టేడియంలో ప్రారంభం కానుంది.

బోర్డ్ ఆఫ్ కంట్రోల్ ఫర్ క్రికెట్ ఇన్ ఇండియా (బీసీసీఐ) సీనియర్ సెలక్షన్ కమిటీ జట్టులను ఎంపిక చేస్తుంది. ఇకపై దులీప్ ట్రోఫీ జోనల్ ఫార్మాట్‌లో లేనందున, అజిత్ అగార్కర్ ప్యానెల్ టోర్నమెంట్‌లో పోటీపడే నాలుగు స్క్వాడ్‌లను-ఇండియా A, ఇండియా B, ఇండియా C మరియు ఇండియా D-లను ఎంపిక చేయాలని భావిస్తున్నారు. బంగ్లాదేశ్‌తో టెస్ట్ సిరీస్‌కు సన్నాహకంగా సెప్టెంబర్ 5 నుండి ప్రారంభమయ్యే దులీప్ ట్రోఫీలో పాల్గొనాలని భారత సీనియర్ సెలక్షన్ కమిటీ ఆటగాళ్లందరినీ ఆదేశించింది. చెన్నైలోని ఎంఏ చిదంబరం స్టేడియంలో సెప్టెంబర్ 19న ప్రారంభం కానున్న భారత్ వర్సెస్ బంగ్లాదేశ్ టెస్టు సిరీస్ తొలి టెస్టుతో ప్రారంభం కానుంది.