బాక్సాఫీస్‌ వద్ద 'కల్కీ 2898 ఏడీ' సరికొత్త రికార్డు
'కల్కీ 2898 ఏడీ' సినిమా ఇప్పటికే పలు రికార్టులు క్రియేట్‌ చేసింది. తాజాగా మూవీ విడుదలైన 16 రోజుల్లోనే ప్రపంచవ్యాప్తంగా రూ. 1000 కోట్ల క్లబ్‌లో చేరింది.
ప్రభాస్ హీరోగా నటించిన 'కల్కీ 2898 ఏడీ' మూవీ మరో మైలురాయిని దాటింది. జూన్‌ 27న విడుదలైన ఈ సినిమా విడుదలైన ప్రతీచోట కలెక్షన్ల సునామీ సృష్టించింది. ఈ సినిమా బాక్సాఫీస్‌ వద్ద రికార్డులు సృష్టిస్తున్నది. ఇప్పటికే పలు రికార్టులు క్రియేట్‌ చేసిన ఆ మూవీ తాజాగా ప్రపంచవ్యాప్తంగా రూ. 1000 కోట్ల క్లబ్‌లో చేరింది. ఈ విషయాన్ని ప్రకటించిన మూవీ టీం సరికొత్త పోస్టర్‌ను విడుదల చేసింది.
దీంతో ప్రభాస్ ఫ్యాన్స్‌ పండుగ చేసుకుంటున్నారు. అరుదైన రికార్డులు సాధించడంపై ఆనందం వ్యక్తం చేస్తున్నారు. బాలీవుడ్‌ ఇటీవల విడుదలైన సినిమాలను కూడా ఈ మూవీ పక్కనపెట్టింది. కల్కీ భారీగా కలెక్షన్లు సాధిస్తున్నదని బాలీవుడ్‌కు చెందిన క్రిటిక్‌ ట్వీట్‌ చేశారు. దీనిపై స్పందించిన బిగ్‌ బీ ఇదంతా నాగ్‌ అశ్విన్‌ ప్రతిభ అని ఆయన అద్భుతమైన పనితీరుకు ఈ మూవీ నిదర్శనం అంటూ కితాబు ఇచ్చారు. కల్కీ సినిమా ప్రపంచవ్యాప్ంగా రూ. 1000 కోట్లు వసూలు చేసిందంటూ ట్వీట్‌ చేస్తే ..ఉఫ్‌ ఇదో అద్భుతం అంటూ కామెంట్‌ చేశారు. ఈ సినిమాలో అశ్వత్థామ పాత్రలో అమితాబ్‌ అద్భుతంగా నటించారు. ఆయన పాత్రపై ప్రశంసల జల్లు కురుస్తున్నది. మరోవైపు ఈ సినిమా విజయాన్ని ఆయన భారీగా సెలబ్రేట్‌ చేసుకుంటున్నారు.