కాంగ్రెస్ సర్కార్‌లో ఎస్ఆర్డీపి పనులన్నీ ఆగిపోయాయి..కేటీఆర్ ట్వీట్

హైదరాబాద్‌లో ఫ్లైఓవర్లు, కనెక్టింగ్ రోడ్లపై బీఆర్ఎస్ వర్కింగ్ ప్రెసిడెంట్ కేటీఆర్ ట్వీట్ చేశారు. ఎస్ఆర్డీపి ద్వారా నగరంలో మౌలిక సదుపాయాలను అభివృద్ధి చేయడానికి బీఆర్ఎస్ హయాంలోనే 42 కొత్త ప్రాజెక్టులను ప్రారంభించింది వీటిలో 36 విజయవంతంగా పూర్తి చేసిందని ఈ సందర్భంగా గుర్తు చేశారు. మిగిలిన ప్రాజెక్టులను కూడా 2024లో పూర్తి చేయాల్సి ఉందని వెల్లడించారు. కాంగ్రెస్ ప్రభుత్వం అధికారంలోకి వచ్చిన తర్వాత, కొనసాగుతున్న ఎస్ఆర్డీపి పనులన్నీ నత్తనడకన సాగుతున్నాయని ఆగ్రహించారు. గత 8 నెలలుగా సరైన పర్యవేక్షణ లేక సకాలంలో చెల్లింపులు లేవని నిప్పులు చెరిగారు కేటీఆర్.

ఎస్ఆర్డీపి మూడవ దశ ప్రారంభించాలని ప్రభుత్వాన్ని కోరుతున్నామన్నారు. ఈ మేరకు ఫోటోలతో సహా పోస్టు పెట్టారు కేటీఆర్. కానీ రేవంత్ ప్రభుత్వం అధికారంలోకి వచ్చిన తర్వాత కొనసాగుతున్న ఎస్ఆర్డీపి పనులన్నీ మందగించాయని వెల్లడించారు. పనులన్నీ నత్తనడకన సాగుతున్నాయని ఎద్దేవా చేశారు. గత 8 నెలలుగా సరైన పర్యవేక్షణ లేక కాంట్రాక్టర్లకు సకాలంలో చెల్లింపులు కూడా జరగడం లేదని ఆగ్రహం వ్యక్తం చేశారు. ఎస్ఆర్డీపి ఫేజ్- 3 ని తిరిగి ప్రారంభించాలని ప్రభుత్వాన్ని కోరండని కేటీఆర్ అన్నారు. ఈ జాబితాలో మూసీతో పాటు ఎక్స్‌ప్రెస్ వే, కేబీఆర్ పార్క్ కింద టన్నెల్స్, ఫ్లైఓవర్‌లు, అండర్‌పాస్‌లు ఇలా.. అనేక ఇతర గ్రేడ్ సెపరేటర్లు ఉన్నాయని తెలిపారు.