వైసీపీ మాజీ ఎమ్మెల్యే సుధాకర్‌ అరెస్ట్

వైసీపీ నేత, కోడమూరు మాజీ ఎమ్మెల్యే జరదొడ్డి సుధాకర్‌ను పోలీసులు అరెస్ట్ చేశారు. గ‌తంలో త‌న ఇంట్లో ప‌నిచేసే బాలికపై అసభ్యంగా ప్రవర్తించిన వీడియో కొద్ది రోజుల క్రితం సోషల్ మీడియాలో వైరలైంది. ఈ ఘటనపై ఇటీవల ఏపీ పోలీసులు కేసు నమోదు చేశారు. ఇవాళ కర్నూలులోని నివాసంలో పోలీసులు ఆయ‌న‌ను అదుపులోకి తీసుకున్నారు. అనంత‌రం సుధాకర్‌ను వైద్యపరీక్షల కోసం ఆస్పత్రికి త‌ర‌లించారు. సుధాకర్‌ తన ఇంట్లో పనిచేసే బాలికతో గతంలో అసభ్యంగా ప్రవర్తించారనే ఆరోపణలు వచ్చాయి.

దీనికి సంబంధించిన ఓ వీడియో ఎన్నికల సమయంలో సోషల్‌ మీడియాలో వైరల్‌ అయ్యింది. ఈ ఘటనపై ఇటీవల పోలీసులు సుధాకర్‌పై పోక్సో చట్టం కింద కేసు నమోదు చేశారు. తాజాగా అరెస్ట్ చేశారు. ఇదిలాఉంటే.. సుధాకర్ 2019 ఎన్నికల్లో వైసీపీ త‌ర‌ఫున‌ కర్నూలు జిల్లా కోడుమూరు నియోజకవర్గం నుంచి పోటీచేసి విజయం సాధించారు. అయితే, 2024 ఎన్నికల్లో ఆయనకు ఎమ్మెల్యే టికెట్ దక్కలేదు. ఆయన స్థానంలో మాజీ మంత్రి ఆదిమూలపు సురేష్ సోదరుడు సతీష్‌కు వైసీపీ అధినేత జగన్ సీటు కేటయించారు.