ప్రభాస్ కల్కి మూవీ నుంచి అప్డేట్

ప్రభాస్ కల్కి 2898AD సినిమా ట్రైలర్ రేపు సాయంత్రం 6గంటలకు విడుదల చేయునున్నట్లు చిత్ర యూనిట్ తెలిపింది. ఇందు కోసం తెలుగు రాష్ట్రాలు, దేశంలోని పలు థియేటర్లను ఎంపిక చేసింది. కల్కి 2898AD ప్రపంచంలోకి స్వాగతం అంటూ ఈ మేరకు పోస్టర్లను పంచుకుంది. అగ్ర కథానాయ‌కుడు ప్ర‌భాస్ ప్ర‌ధాన పాత్ర‌లో న‌టిస్తున్న తాజా చిత్రం ‘కల్కి 2898 AD’. ఈ సినిమాకు మ‌హాన‌టి ఫేమ్ నాగ్‌ అశ్విన్ ద‌ర్శ‌క‌త్వం వహిస్తుండ‌గా.. వైజయంతి మూవీస్ బ్యాన‌ర్‌పై అశ్విన్ దత్ భారీ బడ్జెట్‌తో నిర్మిస్తున్నాడు. ఈ సినిమా జూన్ 27న ప్రేక్ష‌కుల ముందుకు రానుంది.

విడుద‌ల‌కు ఇంకా నెల రోజులే ఉండ‌డంతో వ‌రుస ప్ర‌మోష‌న్స్ పాల్గోంటుంది క‌ల్కి టీమ్. అయితే ఈ మూవీకి సంబంధించి తాజాగా ఓ క్రేజీ అప్‌డేట్ సోష‌ల్ మీడియాలో చ‌క్క‌ర్లు కొడుతుంది.మ‌రోవైపు ఈ మూవీ ట్రైల‌ర్ ఎప్పుడు వ‌స్తుందా ఎప్పుడెప్పుడు చూద్దామా అని ప్ర‌భాస్ అభిమానులు ఎదురుచూస్తున్నారు. ఈ క్ర‌మంలోనే ట్రైల‌ర్‌కు సంబంధించి సాలిడ్ అప్‌డేట్ బ‌య‌ట‌కు వ‌చ్చింది. ఈ సినిమా ట్రైల‌ర్‌ను రేపు విడుద‌ల చేయ‌బోతున్న‌ట్లు తెలుస్తుంది. దీనితో పాటు గ్రాండ్‌గా ప్రీ రిలీజ్ ఈవెంట్ ప్లాన్ చేయ‌నున్న‌ట్లు స‌మాచారం. కాగా దీనిపై అధికారిక ప్ర‌క‌ట‌న రావాల్సి ఉంది. ఈ చిత్రంలో దీపికా ప‌దుకొనే, దిశా ప‌టానీ క‌థానాయిక‌లుగా న‌టిస్తుండ‌గా.. అమితాబ్‌ బచ్చన్‌, కమల్‌ హాసన్‌, కీలక పాత్రలు పోషిస్తున్నారు.