ఉత్తరాఖండ్‌లో ఘోర ప్రమాదం..10 మంది మృతి

ఉత్తరాఖండ్‌ రాష్ట్రంలో ఘోర ప్రమాదం జరిగింది. ఈ ప్రమాదంలో 10 మంది మృతి చెందారు. రుద్రప్రయాగ్‌లో ప్రయాణిస్తున్న ఓ టెంపో వాహనం అదుపు తప్పి అలకనంద నదిలో పడిపోయింది. ప్రమాదం గురించి సమాచారం అందిన వెంటనే సహాయ, సహాయక బృందాలు ఘటనాస్థలికి చేరుకుని సహాయక చర్యలు చేపట్టాయి. ఈ ఘటన ఉదయం 11 గంటల సమయంలో జరిగి ఉండొచ్చు అని రుద్రప్రయాగ్‌ విపత్తు నిర్వహణ అధికారి నందన్ సింగ్ రాజ్వార్ తెలిపారు. 18 మందిని చికిత్స కోసం జిల్లా ఆసుపత్రిలో చేర్చినట్లు సింగ్ చెప్పారు. ఈ వాహనంలో ముగ్గురు సిబ్బందితో సహా 23 మందితో వెళ్తున్న టెంపో రోడ్డుపై నుంచి అలకనంద నదిలో పడిపోయిందని ఆయన తెలిపారు.ప్రమాదంపై ఉత్తరాఖండ్ ముఖ్యమంత్రి పుష్కర్ సింగ్ ధామి విచారం వ్యక్తం చేశారు. క్షతగాత్రులకు అవసరమైన చికిత్స అందించాలని అధికారులను ఆదేశించారు.