కంటైనర్‌లో తరలిస్తున్న 800 గంజాయి స్వాధీనం

హైదరాబాద్‌లో మరోసారి పెద్దమొత్తంలో గంజాయి పట్టుబడింది. నగరంలోని పెద్ద గోల్కొండ వద్ద ఔటర్‌ రింగ్‌రోడ్డుపై ఓ కంటైనర్‌లో 800 కిలోల గంజాయిని బాలానగర్‌ ఎస్‌ఓటీ పోలీసులు స్వాధీనం చేసుకున్నారు. గంజాయిని ఒడిశా నుంచి తరలిస్తున్నట్టు గుర్తించారు. డ్రైవర్‌ను అదుపులోకి తీసుకుని విచారిస్తున్నారు.

ఈ ఘటనలో మొత్తం ఏడుగురిని నిందితులుగా గుర్తించినట్లు అందులో ఐదుగురిని అరెస్టు చేసినట్లు పోలీసు అధికారులు తెలిపారు. వారిని కస్టడీలోకి తీసుకుని విచారిస్తామన్నారు. కంటైనర్‌లో గంజాయి తరలించిన ఘటన ఇదే మొదటిసారి అని, పట్టుబడిన గంజాయి నాణ్యతలో మేటిగా ఉందని పోలీసులు వెల్లడించారు.