సీఎం రేవంత్‌రెడ్డితో ఎమ్మెల్సీ చల్లా వెంకట్రామిరెడ్డి భేటీ

ముఖ్యమంత్రి రేవంత్‌రెడ్డితో బీఆర్ఎస్ ఎమ్మెల్సీ చల్లా వెంకట్రామిరెడ్డి సమావేశమయ్యారు. హైదరాబాద్ జూబ్లీహిల్స్‌లోని సీఎం రేవంత్ ఇంటికి వెళ్లారు. గత రెండు రోజుల నుంచి ఆయన బీఆర్ఎస్ పార్టీని వీడి హస్తం పార్టీలోకి చేరబోతున్నారనే వార్తలు వచ్చాయి. ఈ పరిణామాల మధ్య ఎమ్మెల్సీ చల్లా, సీఎంని కలవడంతో పార్టీ మార్పు క్లారిటీ వచ్చినట్లు తెలుస్తోంది. అలాగే మంగళవారం సీఎం ఉమ్మడి మహబూబ్‌నగర్‌లో పర్యటించనున్నారు. ఈ క్రమంలో ఎమ్మెల్సీ చల్లా వెంకట్రామిరెడ్డి సీఎం రేవంత్ సమక్షంలో కాంగ్రెస్ పార్టీలో చేరేందుకు సిద్దమయ్యారని టాక్